Manipur:CM in 2025 official calendar tlangzarh

Manipur chief minister N Biren Singh chuan 2025 state official calendar leh diary chu December 24 khan Manipur khawpui Imphal ah a tlangzarh. Calendar hi Directorate of Information and Public Relations te publish ani a, state sorkarin state chhunga remna leh muanna a awm leh theihnan nasa taka hma an lak ni pahfawmin calendar hi an tlangzarh a ni.

Tlangzarh inkhawmah hian Singh chuan a kaihhruai sorkarin hun diktaka vawn kalpui anih thu te sawiin department official te chu a hun taka hma an lak vangin leh an tlangzarh theih vangin lawmthu a hrilh bawk. Sorkar hmalakna angin remna leh muanna siam chu an hmalakna pawimawh ber anih thu a sawi bawk.

Directorate of Health Services leh National Health Mission atangin material tlangzarhna hun an nei bawk a. Hetah hian Forest Minister Thongam Biswait Singh, Works Minister Govindas Konthoujam leh IPR Minister Dr Sapam Ranjan Singh tepawh an tel a ni.

CM Singh chuan Manipur Kristian mipui, state chhung leh pawn bakah ramri ami tepawh Krismas chibai bukin hun ati tawp.