Manipur: Police ten mi pahnih man

December 22 zan dar 7 vela inbeihna thlenga pawikhawihtu nia rinhlelh mi pahnih chu December 25 khan an man. An mi mante hi Mutum Mangal Meitei (29) leh Pukhrambam Nongpoknganba (26) te an ni.

Report in a tarlan danin an mi man pahnihte hian mi pali tibuaiin an tihbuai zingah hian hmeichhia pahnih an tel. He buaina hi Sangai Continental Galo bulhnai Khalsa Medicos, Thangal Bazaar, Imphal West, December 22 a thil thleng a ni.

An mi man pahnihte hi Uripok Khaidem Leikai a cheng annih thu police ten an tarlang.

Dan leh thupek kenkawh kawnga nasa zawka hma lak nghal ani a, security force te hian chipchiar zawka zawn hna leh hmun ralti leh derthawng zualpui bakah phai district ah te venhim hna nasa takin an thawk nghal a ni.

National Highways 37 leh 2 leh 125 a nitin mamawh phur lirthei tlan 313 tepawh venhimna khauh tak hnuaiah him takin an bungraw phurh te pawh an tum ram an thlen thei. Hmun derthawng zual laiah te venhimna dan khauh tak siam ani a, security ten lirthei tlan him taka zinkawng an hman theih nan venhimna an pe bawk.

Manipur district hrang hrang tlangram leh phaiah te check point 108 siam ani bawk.