Manipur: Police ten KCP (PWG) mi leh sa pahnih man

Manipur Police te chuan Kangleipak Communist Party (People's War Group) mi leh sa pahnih chu Awang Wabagai Lamkhai, Imphal West ah December 26 khan an man.

An mi mante hi dan phalloh pawisa khawnnaa inhnamhnawih anni a, brick siamna hmun, zirna in leh oil pump, Pangei leh Khomgampat huamchhung leh Health Centre, Sekmai ah te pawisa an khawn tih hriatchhuah ani bawk.

KCP (PWG) mi leh sa pahnih an man te hi Md. Imtiaz Khan (45) leh Irengbam Gulapi Singh (43) te anni.

An kut atang hian mobile handset pahnih, wallet chhunga Rs 1100 bakah Aadhaar Card pakhat, Pan Card pakhat leh Driving Licence pakhat leh lirthei ke pali nei pakhat an man tel bawk.

Hmundanga security force ten Manipur hmun derthawng zual laia venhim hna an thawhna hmun tlangram leh phai district, NH-37 leh NH-2 a lirthei mipui mamawh phur tlan 186 leh 234 tepawh venhimna khauh tak hnuaiah him takin an tum ram an thlen thei bawk.

Hmun ralti leh derthawng zual laiah pawh venhimna hi khauh taka kalpui zel ani bawk.

Manipur ah hian district hrang hrangah checkpoint 108 dah ani bawk.