Meghalaya: Social activist in complaint thehlut

Angela Rangad, social activist hriathlawh tak leh Thma U Rangki-Juki (TUR) hruaitu ni bawk chuan Laitumkhrah police station ah Akash Sagar-an dan phalloha Mawlynnong, East Khasi Hills a Church of Epiphany a luhruk leh a tihbawllhlawh avangin complaint a thehlut.

Rangad-i'n Ningania complaint a thehluhah hian social media Facebook leh Instagram a Sagar-a'n biakin chhung a lut lai leh sakhuana tibawrhbang zawnga a che lai video thehdarh anih atanga thehluh ani bawk. FIR ah hian Sagar chuan biakin chhung hmun thianghlimah mawilo taka a chetna te, kristiante dodalna thu a auchhuahpui vangin leh Pathian hlate a nuihsawh thu tarlan a ni.

Activist chuan a chetdan hi tumlawk leh duan lawk ani ati a, video ah hian midang pahnih an tel bawk. Rangad chuan vantlang mipui inremlohna tichhuaktute anni ati bawk a, hnam tlem zawk te zahlohna leh culture a inhuattawnna siamtute anni ati a, Indian Constitution in sakhuannaa zalenna a siam zahlohna ani ati bawk.

Rangad chuan thuneitute chu hmala turin a ngen a, hrem annih ngei theihnan leh video darh tawh sa pawh ban a phut bawk.