NTC ten Dimapur district-ah ILP hman an phut

Nagaland Tribes Council (NTC) te chuan Nagaland huam chhungah Bengal Eastern Regulation Act (BERA) of 1873 (inner Line Permit) hman a nih vek theih nana hmala tura state sorkar an phut.

Hemi chungchangah hian NTC te hian state chief minister hnenah memo-randum an thehlut a ni. NTC president Lendinoktang Ao chuan Nagaland chu Article 371(A) of the Constitution of India behchhanin state-ah hlan kai a ni a, chawmnun ngai leh chimral mai hlauhawm a nih avangin Bengal Eastern Regulation Act (BERA) of 1873, tuna Inner line Permit (ILP) tia sawi tak hmanga humhalh tura tih a ni, a ti. Mahse ILP hi Nagaland state pumah hman a nih loh thu sawiin, hman a nih vek theih nana hma la tura sorkar an ngen. NTC te chuan ILP hian Dimapur district chu a huam tel ve lo niin an sawi a, dan loa pem lut an tam thu leh hun kal zel atan a him tawk lo a ni, an ti.

NTC chuan ram leilung fate chu dah pawimawh hmasak ber tur an nih thu sawiin, Dimapur district-ah hian ILP hman a nih ve ngei theih nan hma la turin sorkar an ngen a ni.