AP leimin tuarte chhawm-dawlna vbc 10 pe dawn

Sorkar laipui chuan Arunachal Pradesh-a leimin tuarte chhawm­dawlna atan cheng vaibelchhe 10 a pe dawn.

Union Minister of State for Home Affairs Kiren Rijiju chuan lei­min tuarte chhawmdawlna tur hi a pawmpui tawh thu Arunachal Pradesh PWD Minister Gojen Gadi chuan a sawi a, kar kalta Nilaini khan Rijiju hi a hmuh thu leh leiminin harsatna a thlen dante a hriattir thu a sawi.

Tun hnaiah Arunachal-a ruah sur nasa avangin hmun hrang hrangah lei a min a, hmun hrang hrangah inkalpawhna kawngpui a hnawhpin bakah a chim bawk.

Hemi chungchangah hian Aruna­chal PWD Minister chuan Union Road Transport and Highways Minis­ter Nitin Gadkari hmuh a tum a, mahse a hman loh avangin a aiah Union Minister Rijiju chu cheng vbc 10 pawmpui turin a hriattir a ni. Rijiju hi Union Ministry of Road, Transport and Highways-ah Nodal Minister a ni.