Welfare schemes kan kalpui zel ang: Gogoi

Assam Chief Minister Tarun Gogoi chuan central-a NDA sorkarin mi retheite hamṭhatna schemes hrang hrang kalpuina atana fund a pekte titawp mah se state sorkarin welfare schemes a kalpui mekte chu chhunzawm zel a tum thu a sawi.

"Central sorkarin state te hnena fund pekchhuah a hreh avangin eng thil pawh thleng dawn se state sorkar chuan welfare scheme a kalpui tawhte chu a chhunzawm zel ang a, state sorkar chuan mi retheite leh mipui huapzo scheme thar kalpuina atan budget-ah ruahmanna a siam zel bawk ang," tiin a sawi.

Assam Chief Minister chuan state sorkar hnathawkte'n regular takin thla hlawh an lak zel tur thu a sawi bawk a, welfare schemes te chhunzawmna atan central fund hmuh loh avanga harsatna awm mah se chief secretary chu action plan siam turin a hriattir bawk.