Army commander-in Manipur a tlawh

Eastern Army com­mander Lt Gen Man Mohan Singh Rai chuan tunhnai khan Manipur tlawhin, dan leh thupek din­hmunte leh venhimna kalpui dan a hmunah a enfiah.

June 4-a, Chandel dis­trict-a 6 Dogra Regiment sipai 18 thihna thlentu, helte laka beihpui thlak mek chu Lt Gen Rai chuan ṭha a tih thu a sawi a, helte beihlet zel dan tur leh beihpui thlak dan turte pawh sipai hotute a sawipui nghal.

Army commander Lt Gen Rai chuan hmar­chhak bialah helte chu nasa zawkin an chet­chhuah a rin thu sawiin, an chet thut theihna lak ata lo inven dan tur ngaih­tuah lawk a pawi­mawh thu a sawi bawk.

"Manipur-a remna leh muanna tichhe thei helte chu an chet kan phal tur a ni lo," a ti.