Manipur-ah plastic park hawng dawn

Union Chemical and Fertiliser Minister Ananth Kumar chuan sorkar lai­puiin Manipur-ah plastic park hawn a tum thu a sawi.

Ni hnih thanga Ma­ni­pur a tlawh ṭumin Union Minister Kumar chuan he thu hi a sawi a, Imphal-a Central Institute of Plastics Engineering & Technology (CIPET) centre-ah Aca­demic leh Hostel Block a hawng nghal.

Plastic park hian ram acre 50-a zau a mamawh dawn a, Kumar chuan hemi chungchang hi state sorkar pawh a sawipui tawh thu a sawi.

Union Minister chuan CIPET centre zauh nan state sorkar chu ram acre nga vela zau ngaihtuah turin a ngen bawk.

CIPET centre-a Aca­demic leh Hostel block hawnna inkhawmah Chief Minister Ibobi Singh pawhin thu sawiin, India ram leh khawvel mamawh mila Manipur ṭhalaite skills neihtir chu state mamawh a ni, a ti.