BJP-in Manipur MLA panga bân a phût

BJP hruaitu Tappir Gao chuan Manipur State Cong­ress Party (MSCP) MLA panga chuan state-a rorellai Congress party an zawm thu sawiin, Manipur Legislative Assembly member an nihna aṭanga ban a phut thu a sawi.

MLA panga te thubuai hi Manipur Legislative Assembly speaker tribunal-ah chinfel lohin a la awm mek a ni.

MSCP hian Congress party a zawm hnuah an party MLA panga chuan rorellai Congress an zawm nghal a, Manipur BJP unit chuan hei hi dan bawhchhiatna a ni, a ti.

BJP leader (Northeast affairs) Gao chuan rorelna dik hlenchhuah kawngah Manipur Legislative As­sembly speaker chuan dik takin thil a ti tur a ni, a ti a, Speaker-in India danpui, 10th Schedule tlawhchhana Trinamool Congress MLA pathum te a ban a nih chuan Congress zawmtu, MSCP MLA pangate pawh hi MLA an nihna hlihsak ngei a ngai a ni, a ti.