Tripura: CM in thalaite fuih

Chief minister Manik saha chuan kumthar thuchah sawiin thalaite chu state leh sorkar laipuiin scheme hrang hrang a siamte hmang tangkai turin a fuih.

Manik Saha chuan stae sorkarin 'Ek Tripura, Shreshtha Tripura, Ek Bharat Shreshtha Bharat' siam an tum thu a sawi a, heihi state chhung mipuite tanrualna vang chauh a awm thei anih tur thu a sawi bawk. State hmasawnnan nasa taka hnathawh kan chhunzawm dawn ani ati.

Thalaiate chu state tan an pawimawh thu leh hmasawnna kawnga chakna annih thu a sawi bawk. Scheme hrang hrang hmanga rinawm taka hnathawk turin a chah a, hmeichhia te tan pawh hamthatna tur scheme tamtak a awm thu a sawi bawk. Hmeichhiate tihchaknan leh hmasawnnan nasa taka hma an lak thu a sawi bawk a ni.

Chief Minister hian thlasik khawvawt a mi harsa zawk ten hrehawm an tawrhlohna turin blanket, shawl leh kawrlum te a sem bawk.

Society a dinhmun khirh leh harsa zawkte ngaihpawimawh annih tur thu a sawi bawk a ni.

He inkhawmah hian vengchhung MLA te bakah Agartala Municipal Corporation (AMC) Mayor Dipak Majumder leh karyakartas ten an tawiawm a ni. Heng bakah hian social worker te zingah Tushar Kanti Bhattacharjee pawh a tel bawk.