Assam: Mega auditorium sak mek CM in tlawh

Assam chief minister Himanta Biswa Sarma chuan January 3 khan 'Jyoti-Bishnu' Auditorium sak mek chu tlawhin an hnathawh dan pawh duhthusam a nih thu a sawi.

He auditorium hi seat 5,000 awm theihna tur niin, cultural infrastructure tih hmasawnna tura sak a ni.

Sarma chuan a official social media X ah thuchhuahin 'Jyoti-Bishnu' Auditorium sak mek a nih dan leh hmasawnna te a hmuhin a lawm thu a sawi a ni. Auditorium thar turah hian hunpui liantham tak tak hman ṭhin a ni dawn a, an bungraw hmante pawh Guwahati entertainment leh state chhung mawina pholang thei tur an hmang bawk.

CM Sarma hian tun hnaiah Dudhnoi, Rabha Hasong Autonomous Council (RHAC) huamchhung ami pawh a tlawh tur thu a lo sawi tawh bawk a, helai hmunah hian facility thar hawnna leh hmasawnna project thawh mek te a endik dawn a ni.