Assam: Kumthar ni-a rui chunga lirthei khalh vanga tawhsual tawk 481 record

Assam chuan December 31 leh January 1 chhunga rui chunga lirthei khalh vanga tawhsual tawk 481 an chhinchhiah a, lirthei khalh phalna, driving license (DL) 109 chu kumthar ni khan an mansak bawk.

Chief minister Himanta Biswa Sarma chuan a official social media X ah thu chhuahin, state police leh transport department ten rui chunga lirthei khalhte laka dan khauh tak an kalpui thu pawh a tarlang. Kumina lirthei chetsualna tlem chhan pawh Assam Police leh Transport Department te hmalakna vang a nih thu a sawilang bawk.

Chief Minister chuan state chhunga lirthei tlante himna chu a ngaihpawimawh thu a sawi a, rui chunga lirthei khalh vanga non-FIR case ziah luh pawh 160 a nih thu a sawi bawk.

Kumthar hma ni khan Assam police te chuan rui chunga lirthei khalh an tlem zawk nan awmze nei takin hma an la a, mitinte himna chu mahniah ṭheuh a innghah thu thuchah te an siam a ni. An campaign tagline atan hian "Assam Police's Hottest New Year Deal: Drive sober, regret nothing, and wake up without handcuffs or a hangover" tih an hmang a ni.