Arunachal Larsapin Defence Minister a hmu

Delhi tlawha thang mek, Aru­nachal Pradesh Governor Jyoti Prasad Rajkhowa chuan Thawhṭanni khan Defence Mi­nister Manohar Parrikar a hmu.

Governor Rajkhowa leh Defence Minister Parrikar te hian Arunachal Pradesh-a hmasawnna project hrang hrang kalpui mek chungchang an sawidun a, heng zingah hian Advanced Landing Ground (ALG) project, Sainik School hawn tur leh Border Roads Organisation (BRO)-in kawngpui sial project a kalpui mekte a tel.

Arunachal Pradesh Gover­nor chuan state chhunga de­fence infrastructure project kal­puinaah state ṭhalaite'n hna an hmuh theih nan ngaih­hnathiamna siamsak turin Defence Minister Parrikar a ngen.

Kar kalta Inrinni khan Governor Rajkhowa chuan Prime Minister Narendra Modi a lo hmu tawh bawk a, state harsatna hrang hrangte a thlen bakah ramri biala chengte chu tihhmasawn a pawimawh thu a thlen. Arunachal leilung hausaknate chu haihchhuah thiam a pawimawh thu sawi bawk a, rel, thlawhtheihna leh lirthei hmanga inkalpawhnate chu a rang lama tihchangtlun a pawimawh thu Governor chuan a sawi bawk.