NDFB(S) hel pawl hotu man

Assam-a Bodo helpawl, Na­tional Democratic Front of Bodoland (NDFB-S) hotu chu Thawhṭanni khan Assam police leh Indian Army ṭang­rualin an man.

NDFB (S) hotu hi Sumanta Basumatary a ni a, NDFB (S) hnuaia din central council-ah joint secretary a ni.

Basumatary hi NDFB (S) vice president G. Bidai nen an inpawh hle a, kum 2014, December 23, Chirang, Sonitpur leh Kokrajhar district-a Adivasi hnam 70 chuang thihnaah a mawh­phurtua puh a ni bawk.

Assam police thuchhuak chuan Basumatary man a ni chu NDFB (S) tan chhiatna a tlin thu tarlangin, helpawlte chakna chu a tlahniam zel a ni, a ti.