Manipur sazuk chi khat dahsawn dawn

Manipur chuan a chi mang hlauhawma awm tawh, 'Sangai deer' chu a mang mai lohna atan humhalh tumin, an awmna a sawn dawn.

Loktak dila awm Keibul Lamjao National Park (KLNP) hi Manipur sazuk chikhat, Sangai te chenna kumhlun a ni a, Manipur Forest De­partment chuan Loktak dil chhunga thliarkar tê, Pum­len Pat hmunah sawn a tum.

Forest department te hmalakna avangin Sangai te hi kum 2008-a 100 aṭangin kum 2013-ah 204-ah an pung a ni.

State Deputy Con­servator of Forest (Park and Sanctuary) RS Arun chuan sangai te chu dil chhunga thliarkar, Pum­len Pat-ah dah a, inthlahpun tir an an tum thu sawiin, an thil tum chu kum hnih emaw kum thum emaw hnuah an puitlin theih a beisei thu a sawi.