Hmarchhak hmasawn nan project 417 kalpui dawn : Singh

Sorkar laipui chuan hmarchhak tihhmasawn nan project 417 kalpui turin ruahmanna a siam mek tih Development of North Eastern Region (DoNER) Minister Jitendra Singh chuan Nilaini khan Parliament-ah a sawi chhuak.

Project 124 kalpui tur zingah hian Agriculture and allied sector ngaihpawimawh a ni dawn a, hei bakah hian, Industry-ah project 44, Tourism-ah project 73, Education-ah project 96 leh Science and Technology sector-ah project 80 te kalpui tura ruahman a ni. Non lapsable central pool of resources (NLCPR) scheme hnuaiah heng SID, Livelihood leh Skills hmang tein economic and infrastructure sector lamah hmalak mek a nih thu tarlan a ni bawk. Act East Policy hmalakna kal zelah Agartala-Akhaura relkawng siam turin Railway Ministry chuan a pawmpui tawh a, heng bakah hian hmarchhak state-te tan NeDFI chuan Interest-free loan a pe mek niin DoNER Minister Jitendra Singh chuan Parliament a hrilh.

Singh chuan North Eastern Region Vision 2020 Document chuan hmarchhak bial tana hma­sawnna tur hrang hrang ruangam dinte tarlan a ni tiin, heng project-te hi North Eastern Council (NEC) hmalaknain kalpui mek a ni, a ti. Agriculture sector heng horticul­ture, floriculture, medicinal & aromatic plant, tourism, infrastruc­ture, entrepreneurship develop­ment, capacity and skill building-ah te nasa taka hmalak mek a nih thu minister chuan a sawi.

Sorkar kum kal lai mekah hian hmarchhak hmasawnna turin sorkar laipui chuan project 56 a kalpui mek a, hemi atan hian cheng vaibelchhe 33,097.02 ruahman a nih thu minister chuan a sawi a, hetih lai hianAct East Policy (AEP) chu dik taka kalpui a ngai a ni, a ti.