BSF-ten Assam-Bangladesh ramri-ah bawng 24,000 chuang an man

Border Security Force (BSF) chuan December 1,2019 - November 30, 2020 chhungin Assam-Bangladesh ramriah bawng tawlhruk tur 24,060 an man tih BSFS IG Rajesh Kumar chuan a sawi. 

BSF hian data a tihchhuahah, hemi hun chhung vek hian ramri kaltlanga bawng tawlhruk tum mi 277 an man tih tarlangin, heng zinga mi 32 chu Bangladesh mi niin, India mi 245 an tel bawk. 

Data-ah hian bawng tawlh ruk tur chauh ni lo, Assam-Bangladesh ramri kaltlanga ruihhlo tawlhruk tur an man chungchang pawh tarlan a ni. Kum khat chhung hian bawng, ruihhlo leh danin a phalloh ramri kaltlanga tawlhruk tum an man hi cheng vaibelchhe 22 man zet a tling a ni.