Manipur: Final electoral roll tlangzarh

Manipur Chief Electoral Office chuan assembly constituency 60 a final photo electoral roll chu January 6 khan a tlangzarh a, state chhung hmun hrang hrangah voter an pun bakah siam danglam tam tak a awm bawk.

Kum kalta October-a draft roll an tlangzarh nen khaikhinin a punna hi 1,069 aṭangin 1,070 ah a ni bawk. Electoral roll-a in ziaklut hi a vaiin 20,54,387 an ni a, vote thlak thei punna zat hi 19,727 a ni.

Revision period a elector in ziaklut thar 29,468 niin mipa 13,348 leh hmeichhia 16,118 bakah third gender pahnih an awm tih chief electoral officer Pradeep Kumar chuan official-a an tlangzarhna ah a sawi. Elector-population ratio hi 54.84% aṭangin 55.37% ah a pung chho bawk a ni. An ennawnnaah hian electoral roll aṭanga hming paih 9,741 an awm a, service elector 21,148 ziahluh thar niin mipa 21,131 leh hmeichhia 1,017 an awm.

Mipui leh political party aiawhten final roll hi local Electoral Registration Officer te hnenah emaw Booth Level Officer te hnenah emaw an ngaihven thei dawn a ni. Digital hmang pawha en theih a siam a ni a, Chief Electoral Officer website ceomanipur.nic.in ah en theih a ni bawk ang.

National leh state political party, sorkar hriatpuina hnuaia mite chuan final electoral roll copy print chu assembly constituency tinah a thlawnin an dawng dawn bawk a ni.