Health care system ngaihpawimawh a ni: Tripura CM

Tripura chief minister Manik Saha chuan January 6 khan Agartala Government Nursing College, IGM Hospital Complex-a oath-taking ceremony a hmanpuinaah thu sawiin, a kaihruai state sorkar chuan state chhungah health care system chak leh ṭha zawk a awm theih nan nasa taka hma a lak thu leh, sorkar ngaihpawimawh tak a nih thu a sawi. CM hian Tripura-ah health hub siam a nih tur thu a sawi bawk.

Health Minister ni bawk, CM Saha chuan state sorkar chu health system thuam chakna turin hma a la mek a, health service chak zawk a awm theihna turin nurse-te chuan an damlo te ṭha taka an enkawl bakah, damlo chhungte nen pawh inpawhna ṭha tak an neih a ngai a ni, a ti. Florence Nightingale chungchang pawh sawi chhuakin, mi ṭhenkhat an hnathawh ṭhat avanga hriatreng hlawh tur zingah a tel a ni tiin, khawvel puma nursing ti lartu a ni, a ti.

Dortor te bakah nurse te chu zirna in ṭhat leh ṭhat loh tehna pawimawh tak an nih thu a sawi a, mi thawkrim ni tur chuan hahchawlh mai mai a theih loh thu a sawi bawk a ni. An thuthiam te hlen chhuak ngei turin nurse te chu a chah bawk.

CM hian Nursing College-a IT lab a hawng nghal bawk a, kumina Nursing College-ah hian zirlai 49 an awm a ni. Hun an hman hi Medical Education director Dr H P Sharma, AGMC principal Dr Anup Kumar Saha, Health Department additional secretary Rajiv Dutta, Health Department joint director Dr Souvik Debbarma, IGM Hospital medical superintendent Dr Debashree Debbarma ten an hmanpui bawk a ni.