AP CM-in PM Modi hmu dawn
Arunachal Pradesh chief minister Pema Khandu chuan Article 371-H siamṭhat an duh thu sawipui turin prime minister Narendra Modi hmuh a tum.
CM Khandu chuan Constitution-a Article 371-H chung changah commnity-based organisation (CBO) te aṭangin rawtna hrang hrang a dawng tih sawiin, hemi chungchang sawipui turin PM hi hmuh thuai a tum tih a sawi a ni.
Khandu chuan kum 1987-a statehood pek an nih khan, state mipuite chu zirna lamah pawh an la sang lo a, tribal rights leh constitutional provision-te pawh an hrechiang lo a ni, a ti. Hei vang hian Narendra Modi kaihhruai sorkar laipui chuan state dinhmun hi a hriatthiam pui a, state leilung fate duh dante chu a pawmsak a beisei thu a sawi.
Kumin August thla khan state assembly chuan an state chu Constitution sixth schedule hnuaiah dah leh, Article 371-H siamṭha tura sorkar laipui phutna tur resolution chu a lo pass tawh a ni. Article 371-H hian Arunachal Pradesh governor chu law and order chungchangah thuneihna pein, thutawp siamtu tura tih a ni. Hei bakah hian Legislative Assembly member pawh 30 aia tlem lo tur tih a ni bawk.