Assam tuilianin ziaawm lam pan

Hun rei tak chhung tuilian avanga Assam mipuiten harsatna an tawh chuan ziaawm lam a pan chho mek a, Inrinni thleng khan tuilian tuartu hi mi 68,000 velah an tlahniam tawh niin Assam State Disaster Management Authority (ASDMA) chuan a tarlang.

Tuialian tuartu hi mi nuai 9 vel an tling chho hman a, mihring 34-in nun-na an chan bakah ramsa za tel an thi tel bawk.

Jorhat, Golaghat, Bar-peta, Dhubri, Morigaon, Kokrajhar, Nagaon leh Goalpara district-a thing-tlang khua 84 te chu tuilian hian a chimpil vek a a ni.

Zirtawpni thleng khan tuilian tuar hi mi nuai 1.3 lai an la tling a, thingtlang khua 175 vel chu tuilian hian a chim hman a ni. Jorhat District chuan tuil-ian hi tuar nasa berin, mi 25,000 vel a nghawng a, Dhubri (20,000) leh Bar-peta (10,000) te chu a tuar nasa zual niin ASDMA chuan a tarlang bawk.

Relief camp 14-ah mi 1,549 vel an la khawsa a, thlai chinna hmun hectare 3,000 zet chu tuilian hian a la chim mek. Hetih lai hian Brahmaputra fintu Dhansiri lui chu a la lian reng a, hmun ṭhen-khatah chuan hlauh-awm chhinchiahna a la pel chho a ni. Tuilian tuarte chhawmdawl nan hian PSU power firm NHPC chuan Chief Minis-ter Relief Fund atan vaibelchhe 5 an pe. NHPC Chairman and Managing Director K M Singh chuan cheque hi Chief Minister Sarbananda Sonowal hlanin, Assam Assembly MLA Rituparna Baruah leh Bimal Bora te pawhin an thla khat hlawh chu Chief Minister Relief Fund atan an pek thu an sawi ve bawk.