Nagaland-ah Farmers' Training School hmasa ber hawng

Nagaland Chief Minister T.R. Zeliang chuan Inrinni khan an state-a a hmasa ber ni turin Farmers’ Training School (FTS) chu Jalukie, Peren district-ah a hawng.

Chief Minister chuan Peren district-ah FTS din a nih chhan sawiin, thlai chinna hmun atana rem leh lei ṭha tak a ni a ti a, mipuite chu ṭangkai taka hmang tur leh hlawhtlinpui ngei tura a duh thu a sawi.

Kum li/nga chhungin hmasawnna hmuh hman ngei beisei a nih thu sawi-in, CM chuan Peren district aṭang hian state pawn aṭanga thlai thar lakluh 50% tal a phuhruk beisei a ni a, kum 2025-ah chuan intodelh thei tura beisei a ni, a ti. He hun hmanpuitu Parliamentary secretary for Vety. &AH, S. Chuba Longkumer chuan, "FTS din a ni thei hi a lawmawm hle a ni, hei hian kut hnathawktute thlai thar chhuah nasa taka a tihpun beisei a ni" a ti. Farmers’ Training School hawnna hi commissioner secretary, V&AH, M.K Mero chuan a hmanpui bawk.