Meghalaya zirtirtuten lungawilohna lantir dawn

Meghalaya-a school zirtirtute chuan state sorkarin zirtirtu 14,000 te dahnghehna tur hun rei tak chhung a tihkhawtlai sak avangin ni 14 chhung lawngawi lohna lan tir an tum thu an sawi.

Lungawilohna hi August 22-ah ṭanin, September 4 thleng kalpui a ni ang. Hemi chungchangah hian Joint Action Committee of All Teachers’ Associations of Meghalaya (JACATAM) hma-laknain Khasi, Jaintia leh Garo Hills huam chhunga zirtirtute chu Iewrynghep ground-ah an lo pungkhawm tawh a ni.

JACATAM chairman E D Nong-siang chuan, "State sorkar-in hun rei tak chhung kan thil phut a tihkhawtlai hi pawi kan ti a, sorkar kar nan lungawilohna hi kan rel ta a ni" a ti. JACATAM te hian state sorkar hnuaia zirtirtu kum thum aia rei service tawh mi 14,000 te dahngheh an phut nia tarlan a ni a, an zingah hian go-vernment aided, ad hoc leh deficit school-a zirtirtu mi 4,500 an tel.

Directorate of Schools Edu-cation and Literacy (DSEL) chuan zirtirtute dahngheh an nih theih nan February 29, 2016 khan state sorkarah ngenna an lo thehlut tawh a ni. Nongsiang chuan, “Sorkar chuan zirtirtute dahnghet tur hian sum a neih loh thu a chhuanlam a, mahse kum tin festival hmanna atan sum tam tak a theh chhuak leh si a ni. Zirtirtute kan nih avanga sum neilo bik nge a nih kan hrethiam thei lo a ni" a ti. JACATAM secretary Elvis Marak chuan, "Assam sorkar pawhin private school-a thawk zirtirtu 98,000 a dah nget thei a ni, Assam pawhin a theih chu eng vangin nge Meghalaya sorkar pawhin a theih loh bik ang" tiin, private school-a thawk zawk pawh dah ngheh an nih laia an state sorkarin hun rei tak chhung an thil phut a tihkhawtlai sak chu a hriatthiam loh thu a sawi.

Hetih lai hian Deputy chief minister, education (in-charge) R C Laloo chuan Joint Action Com-mittee of All Teachers’ Asso-ciations of Meghalaya te thil phut chungchangah hian school managing committee te nen in-dawr phawt a nih tur thu a sawi.