Manipur-ah bomb puak

Manipur khawpui Imphal-ah Zirtawpni khan bomb a puak a, mi pahnihin hliam an tuar.

Bomb puahna hmun hi State Museum bulah a ni a, helai hmuna duty CRPF head constable SM Naik leh naupang kum hnih mi Leishangthem Mangaleima ten hliam an tuar a, RIMS hospital-ah dahluh an ni.

Bomb expert te chuan bomv chu remote control hmanga tihpuah a nih thu an sawi. Inrinni khan pawl hrang hrangte chuan lungawi lohna an lantir a, pawikhawihtu chhui chhuak ngei tura an duh thu an au chhuahpui a ni. State Museum bula bomb a puah hnu lawk hian bomb chak tak kg 3.5 vela rit chu Inrinni zing lam khan hmuh leh a ni a, bomb puahna aṭanga metre 20 velah chhar a nih thu Press Information Bureau (Defence wing) te chuan an sawi. Police te chuan venhimna khauh takin an kalpui nghal a ni.