Central Agricultural University (Amendment) Bill, 2016 pharh

Central Agricultural University (Amendment) Bill, 2016 chu Zirtawpni khan Lok Sabha-ah Minister of State for Agriculture Sudarshan Bhagat chuan a pharh. He Bill hi July 27 khan Union Cabinet chuan a lo pawmpui tawh a, siamṭhat a nih hnuah House-ah pharh a ni.

Central Agricultural University Act (CAU), 1992 hian hmarchhak state dang zawngte a huam laiin Nagaland chu a huam ve lo a ni. Nagaland state huam tel tir tura bill hi siamṭhat a nih hnuah Lok Sabha-ah Minister of State for Agriculture chuan Zirtawpni khan a pharh leh a ni. CAU, 1992 hian a tum ber chu hmarchhak state ten agriculture and allied sector-a hma an sawn theihna tura Central Agriculture University din a ni. Bill siamṭhat a nih tak avang hian a tira tel lo Nagaland state chuan hmarchhak state dangte ang bawkin hamṭhatna a nei thei tawh dawn a ni. Hmarchhak tan hian Imphal Central Agriculture University chu Manipur-ah din a lo ni tawh a, headquarters chu Imphal-ah a awm ni. Central Agricultural University hian Nagaland-a College of Veterinary Sciences pawh a huam tel tawh dawn avang hian nasa zawka hmasawnna hmuh beisei a nih thu tarlan a ni.

Hetih lai hian Agriculture and Farmers Welfare Minister Radha Mohan Singh chuan Inrinni khan Central Agricultural University (CAU), Imphal hnuaia din College of Veterinary Sciences and Animal Husbandry chu Nagaland-a Peren District-ah a hawng. Agriculture Ministry chuan agricultural education hian food security leh human resource developmen-ah te pawimawhna a nei thuk hle a, University chu ṭangkai taka hmang tura a duh thu a sawi.