Meghalaya naupang bo New Delhi-ah hmuh an ni

Meghalaya Nongmynsong-a BSF Primary School zirlai naupang pahnih te chu kar kalta Ningani khan an chanchin hriat lohin an bo a, Inrinni tlai lam khan Old Delhi railway station-ah hmuh an ni.

New Delhi railway police in New Delhi officer in-charge chuan naupang pahnihte hi Pema Sherpa leh Anisha S Bhagat te an nih thu leh, class IV zirlai ve ve an nih thu a sawi. An pahnih hian Inrinni tlai dar li vel khan Delhi railway station-ah hmuh an ni a ti. He thil hi Border Security Force control room hriattir nghal a nih thu sawii, hmeichhe naupang pakhat zawk hian a pa chu BSF a ni thu a sawi a ni a ti. Naupang bo chungchangah hian Ningani khan Shillong
police station-ah FIR thehluh a ni.

East Khasi Hills district police chief M Kharkrang chuan naupangte chu Shillong hruai thlen an nih hnuah thu kimchang hriat theih beisei a nih thu a sawi. Pema leh Anisha te hi school aṭangin an bo nia hriat a ni. Hetih lai hian BSF IG PK Dubey chuan school aṭangin an bo lo tih sawiin, school an ban hnua BSF campus an thlen hnua bo an ni a ti. BSF official chuan naupang pakhat zawk pa chu Punjab ah a awm a, pakhat zawk pa erawh Chhattisgarh-a awm niin an tarlang bawk.