Assam CM-in Kokrajhar tlawh

Assam Chief Minister Sarbananda Sonowal chuan kar kalta Zirtawpnia helte chetna avanga civil mi 14 te thihna hmun Kokrajhar chu Pathianni khan a tlawh a, thil thlen dan chungchang official-te a sawipui.

Chief Minister chuan National Democratic Front of Bodoland (NDFB(S) helte chetna chu a dem thu sawiin, sorkar chuan a ram mipuite himna chu a ngaih pawimawh ber thu a sawi. Sonowal chuan pawikhawihna thlenna hmunah hian helte do letna turin 'zero tolerance' hman a nih tur thu sawiin, tharum thawhna reng reng chu an do zel dawn tih a sawi. CM hi Kokrajhar Circuit House-ah sorkar mi pawimawhte nen meeting an nei nghal a, political party hruaitu
ṭhenkhat bakah BTC chief Hagrama Mohilary te an tel bawk.

Pawikhawina thlenna hmun hi AGP hruaitu Prafulla Kumar Mahanta leh Phani Bhusan Choudhury te bakah sorkar mi pawimawh eng emaw zatin an tlawh tawh bawk. Pawihkhawitute zinga kahhlum tak Monjoy Islary alias Mwadan chu a nu leh pa te nia an sawite chuan an fapa a nih loh thu an sawi thung. Islary hi hun rei tawh tak aṭangin a chhungte chuan a chin an hriat tawh loh thu an sawi a, a hnuah hel pawl a zawm tih hriat a ni.