Tura leiminah mi panga an thi

Meghalaya Garo Hills biala ruahsur nasa lutuk a­vang­­in Thawhlehni khan Tura-a hmun hnihah lei a min a, mi panga an thi.

Tura Nakham Bazaar-a leiminin hmeithai chhung­kaw pakhat chenna in a hnawl a, chhungkaw nu leh fa pathum a chhilhhlum. Chhungkaw nu ber hi kum 34 mi, Pinky Chettri a ni a, a fapa pahnih- Bijoy (19) leh Rohan (11) bak­ah a fanu, Priya (15) te nen an vaiin leiminah hian an thi a ni.

Hmun dang, Akonggre venga leiminah hian kum 70 mi, Chotelal Prasad chu leimina lung tawlhin a delh a, Tura Civil Hospital-ah lak a nih hnuah a hliam tuar loin a thi.

District thuneitute chuan mit­­thite chu cheng nuai 4 ṭheuh­­a ral an nih tur thu an sawi.