Assam police-in KMSS hotu Akhil an man

Assam police-te chuan Krishak Mukti Sangram Samiti (KMSS) hotu, Akhil Gogoi leh Kamal Medhi chu Assam Public Service Com­mission (APSC) offi­cial te hnathawh tihbuai tuma puhin Thawhlehni khan an man.

KMSS hotu pahnih hi po­lice te chuan Guwahati-a Chief Judicial Magistrate court-ah an hruai nghal a, bail phalsak an nih loh bakah judi­cial custody-a dah nghal an ni.

APSC-in regular taka exam a buatsaih theih loh avang leh APSC chairman ban phutin Akhil leh Medhi hian APSC office kawtah Thawhlehni aṭang khan tiam chin awm loin chaw ngheia nawrh an huaihawt a, hei vang hian APSC Principal Controller of Examination chuan APSC office-a hnathawkte tihbuai tumah puhin an lakah thubuai a siam a, police te'n an man a ni.

KMSS chuan APSC-in kum 2013-a combined competitive examination a buatsaih chu Cen­tral Bureau of Inves­tigation (CBI) chhuitir an phut bawk.

KMM hotu pa­hnih man an nih vangin KMSS mem­ber te chuan Guwa­hati khawpui chhung leh Basistha Police Station kawtah an lungawi lohna lantirin nawrh an huaihawt nghal a, Akhil leh Medhi chu chhuah zalen an phut bakah sorkarin a chhuah lo a nih chuan lian tham zawka nawrh huaihawt an tum thu an tarlang.