Manipur : Security force ten KCP mi leh sa pahnih man
Security force-ten Kangleipak Communist Party (Taibanganba) mi leh sa pahnih chu Kakching district-a Langmeidong huamchhungah an man.
An mi mante hi Mayanglambam Sanathoi Singh (30) leh Sanasam Suraj Singh (27) te an ni a, an pahnih hian Sugnu, Chairel leh Kakching Khunou, Kakching District ah dan phal loha pawisa khawnnaa inhnamhnawih an ni.
Official te chuan heng mi pahnihte hi hmun ralṭi leh derthawng zual laiah te dan phal loha nasa taka pawisa khawnnaa inhnamhnawih an ni tih sawiin, an pawisa khawnte hi an pawl sum atan an chhunglut leh ṭhin.
Security te chuan hma la chhunzawm zelin Manipur tlangram leh phai district dap beihpui an thlakna pawh an kalpui reng a ni.
Saheibung Peak huamchhung Zero Point-Kotzim-a new Keithelmanbi Police Station, Kangpokpi District huamchhungah pawh ralthuam leh a kaihhnawih ṭhahnem tak an man bawk a, an ralthuam mante hi Heckler & Koch G3 Rifle leh a mu, 1.32 Pistol leh a mu, 1 9mm Pistol leh a mu, 7.62mm mu, Singel Barrel Rifle pakhat leh Tube Launcher pahnih an ni.
Thuneitute chuan chhuizuina kalpui chhunzawm a nih thu an sawi a, an mi mante pawikhawih leh an thil tum hrechiang tur hian hma an la mek bawk.