Meghalaya: President Droupadi Murmu in Meghalaya tlawh

President Droupadi Murmu chuan nimin, January 9 khan Meghalaya a tlawh. ICAR Research Complex, North-Eastern Hill region, Umiam, Meghalaya a golden jubilee lawmnaah a tel.

He lawmna inkhawm hi zirna in kum 50 tlin lawmna a ni a, hmarchhak biala agriculture tih hmasawn leh thingtlang mite nitin nun tihhmasawnnana hma la tute an ni.

Vawiin January 10 hian Bhubaneswar, Odisha ah President Murmu chuan 19th Pravasi Bharatiya Divas (PBD) a valedictory session neih tur a kaihruai dawn bawk a ni. Hei bakah hian field hrang hranga hnathawk ṭha te chawimawina hlanna neih tur Pravasi Bharatiya Samman Awards semna a chhim dawn bawk.

Hetih mek lai hian prime minister Narendra Modi chuan PBD Convention, Bhubaneswar-ah hian nimin khan a hawng bawk. Odisha sorkar nen thawkdunin he convention thupui atan hian "Diaspora's Contribution to a Viksit Bharat" tih hman a ni a, ram leh hman hmasawnnana Indian diaspora hnathawh pawimawh tak ani bawk. Khawvel pumpui aṭangin ram aiawh 50 te an inziaklut bawk a ni.

A lawmnaah hian PM Modi chuan Pravasi Bharatiya Express chu a vailiam a, he rel hi a bik takin khualzinmite tan Pravasi Teertha Darshan Yojana hnuaia ruahman a ni. Rel hi Nizamuddi Railway Station, Delhi aṭanga tlan chhuak ṭanin cultural, sakhuana leh India rama hmanlai thil hlu tak tak awmna te a tlawh dawn a ni.