Nagaland: TUN in Indo-Myanmar ramria daidanna siam duh lo

Nagaland-a tribe lian tak tak panga intelkhawm Tenyimi Union Nagaland (TUN) chuan sorkar laipui thutlukna siam, Indo-Myanmar ramria daidanna siam an duh loh thu an puang. Naga mi leh sate nitin khawsak dan leh hnam ziaranga inzawmna an neih tibawrhbang thei thil a nih thu an sawi.

TUN zingah hian hnam panga awmin Angami, Chakhesang, Pochury, Rengma leh Zeliang te an tel..

Indo-Myanmar ramria daidanna siam a nih chuan eizawnna kawngah te, mipui inthliarhran, inzawmna pawimawh tihchhiat bakah zirna leh healthcare lamah an tuar nasat tur thu an sawi a ni.

Daidanna hi siam a nih chuan an nihna, heritage leh dikna chanvo rahbehsak an nih tur thu TUN president Kekhwengulo Lea chuan Nilaini khan an thuchhuah siamah a tarlang. Sorkar laipui chu a thutlukna siam tawh ngaihtuah ṭha leh turin an ngen a, Naga mipui dikna chanvo leh an ram venhim pawimawhna te an sawi bawk.

Lea chuan "The Free Movement Regime (FMR) in 1950 a a tihchhuah ramri kan theih chin siam chuan Naga mipuiteah buaina nasa tak a thlen a, intlawhpawh tawnnaah harsatna an tawh nasat thu a tarlang.

TUN chuan Naga mipui zawng zawng leh pawl hrang hrangte chu inlungrual taka he daidanna siam duh lohna lantir turin an ngen a, Naga mipuite hma huna inṭhen darhna awm lohna nan a hma an lakna a nih thu an sawi bawk.