Manipur: Kum 250-a a upa Langthabal Palace sa ṭha dawn

Manipur chief minister N Biren Singh chuan Ningani khan thuchhuah siamin, tun hmaa Manipur lalram khawpui an tih ṭhin, kum 250-a upa Langthabal Palace chua sorkarin a sa ṭha dawn tih a puang.

Chief Minister Singh chuan he lal in in Manipur lal lar tak, Maharaja Gambhir Singh-a kum 1834-a a thihna hmun a nih thu a sawi a, a sak ṭhat nan hian Rs vbc 25 hman a nih tur thu a puang bawk.

Langthabal Palace, Imphal West District ami ah hian British in a awp lai aṭang khan Assam Rifle ten chanpual an nei a, force te hi hmun danga sawn tura ruahman a ni.

Sak ṭhatna hna thawhna turah hian hma la turin committee dinin university zirtirtute an ruat bawk a, anni hian a sak ṭhat kawngah an kaihhruai dawn thu CM chuan a sawi. Hei bakah hian Chandranadi, tui chhekkhawlna hmun kum zabi 18 hun laia an sak, palace bul hnai ami pawh Rs vbc 10 senga siam ṭhat anih tur thu Chief Minister chuan a sawi bawk.

Langthabal Palace hi Imphal chhim lam tlang, Myanmar panna kawnga awm ani a, Maharaja Bhagyachandra lal lai kum 1779-1796 hunlai khan Manipui lalram khawwpui a ni ṭhin. Bhahandra hi Gambhir Singh a pa a ni a, he lal in hi kum 1844 thleng khan Manipur khawpuia hman a ni ṭhin.