Assam: February 17-ah Budget Session nei ṭan dawn

Assam governor Lakshman Prasad Acharya chuan 2025 Assam Legislative Assembly Budget Session chu February 17 aṭanga neih ṭan a nih tur thu a puang.

Dulal Pegu, Assam Legislative Assembly Secretariat Secretary chuan Ningani khan official in thuchhuah hi a siam a ni.

Session ni hmasa ber hi BTC Legislative Assembly Chamber, Kokrajhar ah neih tur niin hei hi Dispur pawn lama an hman ṭum khatna tur a ni. Chawhnu lamah session hi ṭanin, a ni khatna bak chu Dispur-a Assembly Chamber-ah neih a ni ang.

Kum 1972-a Assam aṭanga Meghalaya state din a nih khan Assam khawpui atan Dispur puan a ni a, kum 1973 aṭang khan Dispur-ah hian budget session hi neih ziah a la ni.

Budget session lo awm turah hian state finance minister Ajanta Neog chuan financial 2025-26 atana state budgte a pharh a, hmasawnna tur lian tham tak tak sawiho a ni dawn bawk.