Sikkim: Bagdora-ah Winter Adventure Camp neih a ni

Ni nga chhung awh Winter Adventure Camp chu Air Force Family Welfare Association (AFFWA) chuan Eastern Air Command hnuaiah Air Force Station Bagdogra-ah a buatsaih a, regional school aṭangin zirlai naupang 60 an tel.

January 5 aṭang khan neih ṭan niin he camp in a thil tum ber chu thawh hona ṭha, tumruhna leh ṭhalaite zinga Armed Force lama tuina pek a ni.

He hunah hian inhruipawhin inelna in an ṭan a, team Akash, Sutlej, Cheetah leh Tejas te awmin Air Commodore Manish Sharma, helai station a Air Officer chuan hawnna a nei bawk a ni. Parasailing, rappelling, zorbing, rope cycling leh night route march te neih a ni. A tel te chuan professional instructor te kaihhruainain a theihna te an pholang a, thawhhona ṭha leh beidawn lohna rilru put thlengin an zir nghal bawk.

Camp tawp kharna chu January 9 khan neih a ni a, cultural program leh campfire te neiin air marshal Surat Singh, air officer commanding-in-chief of Eastern Air Command leh Nisha Singh, president AFFWA (Regional) ten an telpui bawk a ni. Certificate leh mementoes pawh zirlai tel te hi an hlan nghal.

Air Marshal Singh chuan camp buatsaih pawimawhna te a sawilang a, heng camp siam te hian ṭhalaite rilruah inkawmngeihna leh inelna thianghlim a neih tir thu te a sawi a, an tumna leh theihtawp an chhuahna te a hmuhin a lawm thu a sawi bawk a ni.