Meghalaya: Tura MP in Baljek Airport hman ṭan a nih theih nan hma la

Meghalaya Congress hruaitu leh Tura MP Saleng Sangma chuan Parliamentary Standing Committee on Personnel, Public Grievances, Law, and Justice hnenah Baljek Airport hman ṭan vat a nih theihnan ngenna a siam.

Kum 10 liamta khan he airport hi sak a ni tawh a, mahse tun thlengin hman a la ni lo a, music festival hmanna atan an hmang ṭhin a ni.

Standing Committee pawhin Sangma ngenna hi an lo dawnsawng ṭha hle a, a ṭul anga hma lak a nih thuai theihna turin state sorkar hnenah license leh document pawimawhte pe turin a hrilh.

Sangma hian Shillong-Delhi inkara thlawhtheihna, kar khata vawi hnih thlawh tir ṭhin chu nitin thlawh tir turin thuneitute hi a ngen bawk. Commitee pawhin ngaihtuah tiamin, hemi rual hian thlawhtheihna chuan man to lutuk te, ram puma airport-a parking fee to lutukte chu an ngaimawh thu an sawi.

Baljek Airport hi Tura Airport emaw VETU Airport tiin an sawi ṭhin bawk a, Tura khawpui aṭanga hmarchhak lam km 33-a hlaa a awm a ni.