Sohra-ah ruahtui tla tam

Cherrapunjee tia kan hriat, khawvela hmun hnawng ber (Wettest place), Sohra-ah chuan ruahtui a tla hnem tawh hle a, kum 13 hnuah record siamin, June thla chhung hian ruahtui tlak tam lam tehnaah millimetre 3500 a tling tawh.

Sohra khuaa chengte chuan June 1 aṭang khan zing ni chhuak an hmuh tawh loh thu leh chhumin an khua a bawh reng thu an sawi a, ni hnih kaltaa darkar khat vel ni sa an dawn chu tun thla chhunga ni sa an hmuh hnuhnung ber a ni, an ti.

Meteorologic office hotu, V Kumar Singh chuan, Sohra-ah hian tun thla chhungin ruahtui tla milimetre 3718.6 an chhihchhiah tawh thu a sawi a, kum dangah June thla chhunga milimetre 2500 vel ruahtui tla ṭhin tlangpui chu tun thlaa ruah­tui tla hian a khum a ni, a ti.

Milimetre 3500 aia a tlak tam ber ṭum chu kum 2002 kha a ni a, milimetre 3893 a tla.

Kumar chuan ruah a la sur reng a nih chuan kum 1998-a ruahtui tla mm 4269 chu a khum theih a rin thu a sawi.