Arunachal-in central fund pekchhuah thuai phut

Arunachal Pradesh sorkar chuan education, health leh social welfare sector-a centrally-spon­sored schemes hrang hrang kalpui mekah a rang lama fund hmuh phutin, sorkar laipui chu pechhuak thuai ṭhin turin ngen a tum.

Chief Minister Nabam Tuki kaihhruaia cabinet meeting neihah Nilaini khan he thutlukna hi siam a ni a, education leh health sector-a CSS kalpui mekah hnathawk an tam avangin a hun taka an thla hlawh pek ṭha an tih thu an sawi.

State sorkar thupuangtu, Ba­mag Felix chuan sorkar laipuiin CSS atana central share leh state share a tihkhawtlai ṭhin avangin schemes te chu an hlawhtlin tur anga an hlawhtlin theih ṭhin loh thu a sawi.

Cabinet meeting chuan Sarva Shiksha Abhiyaan (SSA), Na­tional Health Mis­sion (NHM) leh Integrated Child Development Scheme (ICDS) kal­puina atana state sor­kar sum thawh tur chu financial year inṭan dawnah lo rua­­hman lawk ṭha a tih thu a sawi a, August leh December-ah in­stall­ment vawi hniha fund pekchhuah ṭha a tih thu a tarlang bawk.