Sorkar laipuiin BTC Accord ennawn

Sorkar laipui chuan Bodoland Territorial Coun­cil (BTC) Accord kal­pui a nih dan a en­nawn a, hetihlai hian BTC Chairman Hag­rama Mohilary chuan an bial tan kum khatah spe­cial package, cheng vaibel­chhe 200 pe turin a phut.

Joint Secretary (North-east), Shambhu Singh kaihhruai Ministry of Home Affairs (MHA) offi­cial-te chuan Nilaini khan BTC palaite an hmu a, kum 2003-a Memo­randum of Settle­ment lo ziah tawh chung­changte an sawipui a ni.

Meeting zawha chan­chin thar lakhawmtute a kawmnaah, Mohilary chuan meeting chu official level-a neih ni mah se, review meeting chu political level-ah neih an thlang zawk tih a sawi. BPF kaihhruai BTC hian Council huam chhungah hian thingtlang khaw 95 dah belh an phut a ni.

Mohilary chuan Accord an siam ang chuan state sorkar chuan State Plan aṭangin BTC tan 12.19% a pe tur tih a ni a, mahse a takah chuan 3% chauh pekchhuah a ni, a ti. BTC tana fund siamte chu sorkar laipui hnenah state sorkar kaltlang loa pe tawh turin a ngen bawk.