AP-ah bandh vangin Rs vbch 3000 hloh

Kum 2009 aṭang khan Arunachal Pradesh-ah bandh ṭum 55 huaihawt a ni tawh a, hei hian hnathawh hun darkar sang chuan a tih bahhlah bakah, state chhunga thil siamchhuah aṭangin cheng vaibelchhe 3,000 zet hloh a ni.

NGO Arunachal Citi­zens Right (ACR) zirlai pawl leh pawl dangten bandh an huaihawt hrang hrang data lakhawmin report hi a tichhuak a ni. Kum 2009 aṭanga bandh neih zinga a tam zawk hi state khawpui Itanagar leh Naharlagun biala huaihawt a ni a, bandh huaihawt vang hian hnathawh hun chhung darkar 1068 hloh a ni. NGO chuan thil man san zel dan nena chhut­in bandh huaihawt vanga sum hloh hi cheng vaibelchhe 3,000 a tling niin a tarlang bawk.

Bandh huaihawt chhung hian motor 12 hal an ni a, hei bakah hian motor 41 chu tihchhiat an ni bawk.