Rail passenger zingah ticket nei lo an tam

Northeast Frontier Railway (NFR) chuan July thla chhunga rail ticket nei lo passenger awm zat leh sum hloh zat zirchianna ni sarih chhung an kalpui report chu Thawhlehni khan an tlangzarh.

NF Railway press release chuan zirchianna hi July 22-28 chhung kalpui a nih thu tarlangin, ticket neilo passenger 14,548 an awm thu leh hemi avanga sum hloh tling khawm zat chu cheng vaibelchhe khat vel a nih thu an tarlang. Kumin kum tir thla li chhung khan kalpui a lo ni tawh bawk a, passenger ticket neilo chu 43% an awm a, heta ṭanga sum hloh zat chu vaibelchhe 15 vel a ni. Ticket neilo passenger an tam avang hian railway chuan sum tam tak a hloh bakah, railway tih hmasawnna kawngah nghawng thui tak a neih thu tarlan a ni bawk. Northeast Frontier Railway (NFR) chuan passen-ger te chu ticket lem hmang lo tura an ngen bakah, ticket nei lo passenger zawn chhuah beihpui thlak chu kalpui zel a nih tur thu an sawi a ni.