AHRC ten HLI din phut

Assam Human Rights Commission (AHRC) chuan Nilaini khan state sorkar chu August 5-a Kokrajhar-a mi 14 thihna thleng chhuitu tur High Level Inquiry din turin an phut tih an tarlang

AHRC Chairperson Justice A H Saikia chuan Chief Secretary V K Pipersenia chu he thil thleng chhui tur hian High Level Inquiry din turin an ngen tih sawiin, committee-ah hian member pathum High Court judge retired, police leh civil society mi pakhat awm tura an duh thu a sawi. An hnu chhui report chu ni 30 chhunga zo tur leh an report pawh AHRC-ah pe lut tura an duh thu a sawi. He pawikhawihna thlengah hian mi 14 ten nunna an chan a, midang hliam 15 hliam an tuar bawk. State sorkar chuan thi chhungte leh hliam tuarte chu zángnadawmna pek a nih tur thu a sawi tawh a, National Investigation Agency (NIA) chuan hnuchhui hna an thawk mek a ni.