Sikkim Legislative Assembly-ah bill pakua pass

Sikkim Legislative Assembly  chuan one-day session a neihah bill pakua pass a ni a, heng zingah hian Buddhist university dinna tur pawh a tel. Session-ah hian supple­mentary demants for grants, Rs nuai  45,123.63 pawh pass a ni bawk. 

ṭHri leng avangin session hi ni khat chauh neih a ni a, media miten rorel inkhawm an chhim pawh phalsak an ni lo.  Speaker chuan Sikkim Democratic Front (SDF) legislature party-in BJP an zawmna chu a pawmsak bawk. Assembly inthlan an neih aṭanga thla thum hnu, nikum August thla khan SDF MLA 13 zinga 10-ten  BJP hi an lo zawm tawh a, a hnuah SDF MLA pahnihten rorellai Sikkim Krantikari Morcha (SKM) chu an zawm ve leh a, hei pawh hi Speaker chuan a pawmsak bawk a ni.

Bill pass zingah hian  Khang­chendzonga Buddhist University Bill  pawh a tel a, he university hi National Education Policy (NEP) guidelines hnuaia university din hmasa ber tur a ni. Chief minister Prem Singh Tamang chuan India rama private Buddhist University hmasa ber dinna tur an pass theih avangin House member-te hnenah lawmthu a sawi nghal a ni.