Brahmaputra Board siamṭha dawn

Brahmaputra Board siamṭhatna tur bill chu Parliament session neih leh hmasa berah putluh an tum thu Union Water Resources Minister Uma Bharti chuan a sawi.

Hmarchhak state te'n nasa taka Brahmaputra Board kalphung an sawi­sel avang leh a siam­ṭhat­­na atana North-East Bra­h­maputra River Rejuvenation Authority (NEBRRA) din tura an ngen hnuah sorkar laipui chuan board chu thlak a rel a ni, a ti.

High Powered Re­view Board meeting neih zawhah Inrinni khan Union Minister Bharti chuan he thu hi a sawi a, hmarchhak state te ngenna angin Bra­hma­putra Board chu a thara thlak a nih tur thu a sawi.

NEBRRA draft bill chu hmarchhak state te'n an lo hriat lawk theih nan a copy semdarh a nih tawh thu Bharti chuan a sawi bawk.

Draft bill ang chuan NEBRRA hian wa­ter management leh deve­lopment lam a buaipui tel ang a, Brahmaputra lui ruama evironment tichhe lo zawngin, mipuite'n lui tui chu ei leh bara an hlawk­pui theihna atana hman dan kawng a zawng ang.

Brahmaputra Board hi kum 1980 khan Bra­h­­maputra Board Act tlawh­­chhana din a ni a, Brahmaputra luiin hmarchhak biala tuilian leh leimin a thlen ṭhin kaih­hnawiha a venna leh chhawmdawlna chung­chang ngaihtuah tura din a ni.

High Powered Board meeting-ah hian Chief Minister Tarun Gogoi pawh a tel a, a kaihhruai state sorkar chuan Brah­maputra Board thlakna chu a dodal loh thu leh Arunachal Pradesh ram china tui khuah erawh state mipuite'n an ngaih­mawh thu a sawi.

"Arunachal Pradesh-a power project atana tui khuah chu a nghawng zirchianna nei hmasa loa kalpui kan duh lo. Sorkar laipuiin Siang lui khuah a tum pawh hi Assam chuan lui mawng lama nghawng a neih dan tur thlirin a ngaimawh a ni," a ti.