KHADC CEM hluiin VAB original hman a duh

Khasi Hills Autonomous District Council (KHADC) Chief Executive Member (CEM) hlui Ardent Miller Basaiawmoit chuan dan hmanga Khasi khawtlang hruaitu (Rangbah Shnong) te thuneihna pawmpuina tur bill, KHAD Village Administration Bill chu tihdanglam loh a, a original bill pass a duh thu a sawi.

Mawlai Phudmuri hmuna Khasi Students' Union (KSU) leh Federation of Khasi-Jaintia and Garo People (FKJGP) te'n VAB sawihona an buatsaihah CEM hlui Basaiawmoit chuan thu sawiin, headmen te chu an thuneihna chan an hlauh chuan bang mai tur a ni, a ti.

KHADC-in VAB a pass tak chu Rangbah Shnong te thuneihna pekna dan chauh a ni, tiin original VAB chu Khasi hnam nunphung humhalhna tur a nih tel avangin hman a duh zawk thu a sawi.