Assam tuilian a ziaawm ṭan

Ruahsur nasa avanga Assam-a tuilian chuan kar kalta Inrinni aṭang khan zia­awm lam a pan.

Assam State Disaster Ma­nage­ment Authority (ASD­MA) thuchhuak chuan tuilian hi Barpeta, Dhemaji, Tinsukia, Morigaon leh Lakhimpur district khaw 70-ah chuan mi 15,000 velin an la tuar a, state puma khaw 121-ah a tuartu 30,000 vel an awm thu a tarlang bawk.

Tuilian hi Barpeta district-in a tuar na ber a, an chenna in luah tlak loha a awm avangin mi 10,000 vel chu hmun himah dah an ni. Morigaon district-ah mi 4,000 velin an tuar bawk.

Kumin ruahsur vanga Assam-a tuilian hmasa berah hian Bongaigaon, Lakhimpur leh Baksa district-ah mi pa­thumin an thih phah tawh a ni.

Jorhat leh Dhubri-ah chuan Brahmaputra luiin hlauhawm chhin­chhiahna a la pel a, mah­se kiam lam a pan zel tiin ASD­MA thuchhuak chuan a tarlang.