Naga kohhran te'n Yoga Day dodal

Nagaland Baptist Churches Council (NBCC) chuan Pathian­nia Inter­national Yoga Day hman tak chu an dodal thu an tarlang.

Nagaland School Edu­­ca­tion Department-inzirlaite chu Pathiannia Yoga Day hmang vek tura hriattirna chu NBCC leh tlawmngai pawl dangte'n an dodal thu an tarlang bawk.

Angami Baptist Church Council chuan thuchhuah a siamah June 21 chu Pathianni a nih vang leh 'Fathers’ Day' a nih avangin ni pawimawh tak a ni, a ti.

Nagaland Revival Church Council pawhin Nagaland chu Kristian state a nih thu tarlangin sorkar laipuiin Hindu sakhaw thil zawm tura a ti chu an lungawi loh thu a tarlang.

Eastern Naga Stu­dents’ Federation (ENSF) chuan Yoga Day hmang tura School Education Department hriattirna tihchhuah chu an lungawi loh thu a tarlang bawk a, yoga-in taksa a tihrisel a, miin an ṭhatpui a nih chuan an duhthlanna ni rawh se, tiin a chhanglet nghal bawk.

ENSF chuan kar kalta In­rinnia thuchhuah a siam­ah Nagaland chhuah lama school zawng zawngte chu Yoga Day hmang lo turin a ngen nghal.

Angami Students’ Union pawhin Education department thuchhuah chu an dodal thu a tarlang a, zirlaite chu Pathiannia yoga ti lo turin an ngen bawk a ni.

Nagaland Tribes Council chuan Education department-in Pathiannia Yoga Day hmang tura hriattirna a chhuah chu a hriatthiam loh thu tarlangin, sorkar laipui pawhin Pathiannia Yoga Day chu hman ngei ngei ngai a ni lo tih a sawi a ni, a ti.