Meghalaya-in an state-a zin turte tana khuahkhirhna hlip

Meghalaya sorkar chuan state pawn lam mi, an state-a zin tumte tana khuahkhirhna a siam chu Thawhlehni khan a hlip a, ni thum chhung an cham phalsak an ni tih  sawi. 

Sorkar thuchhuah chuan ni thum emaw, a aia tlem emaw cham tura zin tum chu kal phalsak an ni a, mahse an kal hmain  www.meghalayaonline.gov.in/covid/testing.htm ah inziak lut phawt tura tih an ni. Zin turte chuan an  hawna tur air/rel ticket an nei lawk tur a ni bawk. Motor-a kal turte chuan an hawna tur motor number an tarlan a ngai bawk a ni. 

Meghalaya-a zin tum tan hian sorkarin a pawm laboratory aṭangin  COVID-19 negative RT-PCR report an neih a ngai a, he report hi an zin hma darkar 72 chhunga lak a ni tur a ni. Hetiang report nei chu entry point-ah rapid antigen test neihsak an ni lo ang. An mobile phone-ah Aarogya Setu app neiin, entry point-ah an entir a ngai bawk. 

Hotel, guest house, sorkar leh agency enkawl guest  house-ah booking an tih lawk a ngai a, an cham chhungin an kalna hmunte an chhinchhiah vek tur a ni. A tlem thei anga midang tlawh kual tura tih an ni.