Sikkim: 16th Finance Commission ten Bagdogra thleng

16th Finance Commission of India chairman, Dr Arvind Panagariya leh a kaihhruai panel member te chuan January 19 khan Bagdogra airport an thleng a, January 23 thleng Sikkim-ah an cham dawn a ni.

Commission member zingah hian Ajay Narayan Jha, Annie George Mathew, Dr Manoj Panda leh Ritvik Pandey, Secretary te an tel.

Joint secretary KK Mishra; PS to chairman Kumar Vivek; joint director Davinder Choda; OSD, Abhishek Nandan; PS to member, Promila Rajvanshi; assistant director, Bhakesh hazarika; assistant director, Arushi Gupta ten an telpui bawk a ni.

Sikkim-a an cham chhungin commission hian stakeholder hrang hrang an kawm kual dawn a, an state chhung sum dinhmunte sawipuiin, economy lama hmasawnna tur kawng hrang hrangte an sawipui bawk ang.

Commission-in an tlawh dawn avangin Sikkim cabinet secretary, VP Pathak chuan Tashiling Secretariat-ah meeting a lo ko bawk a, he hunah hian state sorkar hnuaia official hrang hrangte chu an state tlawhtu, Finance Commission te chu ṭha taka lo thawhpui turin a chah a ni. He hunah hian chief secretary R Telang, DGP Akshay Sachdeva bakah Head of Department, District Collector leh line Department hotu zawng zawng an tel.